ಸಂತೋಷದ ಸಂವಹನದ ಸಮಯದಲಿ..

ಸಂತೋಷದ ಸಂವಹನದ ಸಮಯದಲಿ....

ಬೀಸಿ ಬಂದಿತು ಸಂಶಯದ ಸುಂಟರಗಾಳಿ..

ಸಮ್ಮೋಹಿತ ಸಂಚಲನಕೆ ವಿಷವಡರಿದೆ ..

ಸಂಗಾತಿ ದೂರಾಗಿ ಸಂತಾಪವು ಮೂಡಿದೆ // //

ಮರುಭೂಮಿಯಲ್ಲಿ ನಾನು..

ಅಲೆಯುತಿರುವೆ ಬಯಸಿ ನೀರನು..

ಹುಡುಕಿದರೂ ಹಗಲಿರುಳು..

ಏನಿಲ್ಲ ಎಲ್ಲೆಲ್ಲೂ ಬರೀ ಮರಳು..

ಬಿಸಿಲಿನಲಿ ಬಸವಳಿದು ಬೇಸರದಿ ಕುಸಿದು ಕೂತೆನು..

ಕವನದಲಿ ಕಾಣಿಸೆನು ಬಣ್ಣಿಸಿ ನನ್ನೆಲ್ಲಾ ಬವಣೆಯನ್ನು .. .//೧//

ಮರುಜನ್ಮದಲ್ಲಿ ನೀನು..

ಮಾರುವೇಷದಲ್ಲಿ ಬರುವೆ ಏನು..

ನಿನ್ನನೊಲಿಸಲು ಬರುವೆನಲ್ಲಿ..

ನೀ ಮಾರುಹೊಗೋ ರೂಪದಲ್ಲಿ..

ಈಗಲೋ ಆಗಲೋ ಮುಗಿಯುವ ಮೇಣದ ಬೆಳಕಿನಲ್ಲಿ..

ಹೆಚ್ಚೇನೂ ಬರೆಯಲಾರೆ ಕೊಲ್ಲದಿರು ನನ್ನನು ವಿರಹದಲ್ಲಿ.. //೨//

------------------------------------------------------------------------------------------

ತೊದಲು

ನಮಸ್ಕಾರ...
ನಾನು ವಿನೋದ್ ರೈ..ವೃತ್ತಿಯಲ್ಲಿ ಇಂಜಿನಿಯರ್ ...

ಸಾಹಿತ್ಯದ ವಿಷಯಕ್ಕೆ ಬಂದಾಗ ತುಂಬಾ ಪುಸ್ತಕ ಓದಿದವನಲ್ಲ..ಆಗಲೇ ಹೇಳಿರುವಂತೆ ಬರೆದುದ್ದೆಲ್ಲಾ ಉತ್ತಮ ಲೇಖನವಾಗದು,ಕವನವಾಗದು ಎಂಬ ಸಾಮಾನ್ಯ ಜ್ಜ್ಞಾನವಿದ್ದರೂ ಬರೆಯಬೇಕೆಂಬ..ಬರೆಯಬಲ್ಲೆನೆಂಬ ಹಂಬಲ ಇತ್ತು..ಬರೆಯುತ್ತಿದ್ದೆ!!!
ಬ್ಲಾಗಗಳನ್ನು ಓದುತ್ತಿದ್ದೆ...ಈಗ ಬ್ಲಾಗ್ ಲೋಕಕ್ಕೆ ಪುಟ್ಟ ಪುಟ್ಟ ಹೆಜ್ಜೆ ಇಡುತ್ತಿದ್ದೇನೆ!
ಪದಗಳ ಪರಿಚಯ ಕಡಿಮೆ..ಗೊತ್ತಿರುವಷ್ಟನ್ನೇ ಉಪಯೋಗಿಸಿ "ಒಂದಿಷ್ಟು" ಬರೆಯಬಲ್ಲೇನೋ ಏನೋ!!
ನಿಮಗೆ ಇಷ್ಟವಾದರೆ ತಲೆ ನೇವರಿಕೆಗೆ...ಇಲ್ಲದಿದ್ದರೆ ಕಿವಿಹಿಂಡಿಸಿಕೊಳ್ಳುವುದಕ್ಕೆ ಸದಾ ಸಿದ್ದನಿದ್ದೇನೆ!!
------------------------------------------------------------------------------------------